İrəc İsmayıl

İrəc İsmayıllı
Doğum tarixi 15 oktyabr 1961(1961-10-15) (62 yaş)
Doğum yeri
Milliyyəti Azərbaycanlı/İranlı
Təhsili
Fəaliyyəti yazıçı, publisist, tərcüməçi

İrəc İsmayıllı (15 oktyabr 1961, Urmiya) — Əslən Cənubi Azərbaycandan olan yazıçı, publisist, tərcüməçi, lüğətçi.

Həyatı[redaktə | mənbəni redaktə et]

İrəc İsmayıllı 1961-ci ilin oktyabr ayının 15-də Cənubi Azərbaycanın (İran) Urmiya şəhərində anadan olmuşdur. İbtidai və orta təhsilini Urmiyada almışdır. Erkən yaşlarından milli azadlıq mübarizəsinə qoşulmuşdur. Ötən əsrin 80-ci illərin ortalarından siyasi səbəblər üzündən vətəni tərk etməyə məcbur olmuş, Norveçə mühacirət etmişdir.

Hal-hazırda Norveçin Stavanger şəhərində yaşayır. 1991–1995-ci illərdə Norveçin Stavanger Universitetinin bakalavr, (1995–1996) Böyük Britaniyanın Heriott-Watt Universitetinin magistratura pillələrini bitirmişdir.

Bir müddət Stavanger şəhərində Azərbaycan Mədəniyyət Mərkəzinə rəhbərlik etmişdir. Həmin şəhərin mərkəzi kitabxanasında Azərbaycan dilində kitablardan ibarət bölmənin yaradılmasında mühüm rol oynamışdır. Müxtəlif illərdə Norveçdə neft şirkətində mühəndis kimi fəaliyyət göstərmişdir. Daha çox bədii tərcüməlüğətçilik sahəsində fəaliyyət göstərən müəllifin əsərləri AvropaAmerikanın müxtəlif nüfuzlu nəşriyyatlarında işıq üzü görmüşdür.

Azərbaycan, ingilis, norveç, rusfars dillərini bilir.

Ailəlidir, üç övladı var.

Əsərləri[redaktə | mənbəni redaktə et]

  • Modern Azerbaijanian Prose (with prof. Vagif Sultanly), Bloomington, Trafford publishing, 2012.
  • Modern Azerbaijani Women’s Prose (with prof. Vagif Sultanly), Bloomington, Traffford publishing, 2014.
  • Norwegian-Azerbaijani dictionary. Stavanger, 2016.
  • Azerbaijani-Norwegian dictionary. Stavanger, 2017.
  • Güney Azərbaycan nəsri (Vaqif Sultanlı ilə). Bakı, Nurlar, 2017.
  • Modern Azerbaijani Prose (Anthology). 2nd Edition with additions (with prof. Vagif Sultanly), Bloomington: Trafford publishing, 2019, 634 p.

[1];[2]

İstinadlar[redaktə | mənbəni redaktə et]

  1. "ABŞ-da çıxan antologiyada hansı Azərbaycan yazarları var?". 2019-03-29 tarixində arxivləşdirilib. İstifadə tarixi: 2017-06-21.
  2. AMERİKADA "MÜASİR AZƏRBAYCAN QADIN NƏSRİ" ANTOLOGİYASI ÇAP OLUNUB [ölü keçid]

Xarici keçidlər[redaktə | mənbəni redaktə et]