Seyfi Mehrəliyev

Seyfi Mehrəliyev
Seyfi Seyid oğlu Mehrəliyev
Doğum tarixi	1900
Doğum yeri	Dəli Quşçu, Göyçay qəzası, Bakı quberniyası, Qafqaz canişinliyi, Rusiya imperiyası
Vəfat tarixi	8 mart 1977
Vəfat yeri	Dəli Quşçu, Zərdab rayonu, Azərbaycan SSR, SSRİ
Vətəndaşlığı	Rusiya imperiyası→ AXC→ SSRİ
Milliyyəti	azərbaycanlı
Mükafatları

Seyfi Seyid oğlu Mehrəliyev — Sosialist Əməyi Qəhrəmanı.

Həyatı[redaktə | mənbəni redaktə et]

1900-cü ildə Zərdab rayonunun Dəli Quşçu kəndində anadan olmuşdur^[1].

1931-ci ildən 1971-ci ilədək Dəli Quşçu kəndində, o vaxtkı "Bakı fəhləsi" kolxozunda sıravi kolxozçu, çoban və briqadir işləmişdir.

1941–1945-ci illər müharibəsi dövründə gecə-gündüz çöllərdə çalışmış, faşizm üzərində qələbə naminə hər cür əziyyət çəkmiş, fədakarlıqlar göstərmiş, döyüşən ordunun ərzaq və geyimlə təchiz olunmasına böyük töhfələr vermişdir.

1977-ci il martın 8-də Dəli Quşçu kəndində vəfat etmişdir.

Mükafatları[redaktə | mənbəni redaktə et]

1948-ci ildə qoyunçuluq sahəsində qazandığı çox yüksək nəticələrə və heyvandarlıq sahəsində göstərdiyi bacarıq və qabiliyyətə görə Seyfi Mehrəliyev 1949-cu ildə Sosialist Əməyi Qəhrəmanı fəxri adına layiq görülmüşdür. O, əmək cəbhəsində fədakarlığına görə Lenin ordeni və çoxlu medallarla da təltif edilmişdir.

1971-ci ildən İttifaq əhəmiyyətli fərdi pensiyaçı olmuşdur.

İstinadlar[redaktə | mənbəni redaktə et]