Nikolay Amosov

Nikolay Amosov
Nikolay Amosov
	Nikolay Mixayloviç Amosov
Doğum tarixi	6 (19) dekabr 1913
Vəfat tarixi	12 dekabr 2002 (88 yaşında)
Vəfat yeri	Kiyev, Ukrayna;
Dəfn yeri	Baykovo qəbiristanlığı;
Atası	Mixayloviç Amosov
Elm sahələri	Aorta koronar şuntlama, herontologiya, Biokibernetika
Elmi dərəcəsi	tibb elmləri doktoru;
Üzvlüyü	Ukrayna Milli Elmlər Akademiyası;
Mükafatları	; ;
	Vikianbarda əlaqəli mediafayllar

Nikolay Amosov (6 (19) dekabr 1913 – 12 dekabr 2002^[1], Kiyev) — Ukrayna cərrahı, tibb elmləri doktoru (1953), Ukrayna Elmlər Akademiyasının akademiki (1969), SSRİ Tibb Elmlər Akademiyasının müxbir üzvü (1961).

Həyatı[redaktə | mənbəni redaktə et]

Nikolay Amosov 1913-cü il dekabrın 6-sı Rusiya Federasiyasının indiki Voloqda vilayətinin Olxov kəndində anadan olmuşdur. O, 1939-cu ildə Arxangelsk Tibb İnstitutunu, 1940-cı ildə isə Ümumittifaq Qiyabi Sənaye İnstitutunu bitirmişdir.

Fəaliyyəti[redaktə | mənbəni redaktə et]

Nikolay Amosov 1947–52-ci illərdə Bryansk vilayət xəstəxanasının cərrahiyyə şöbəsinin müdiri, 1952–54-cü illərdə Ukrayna Elmi-Tədqiqat Vərəm və Döş Cərrahiyyəsi İnstitutunun döş cərrahiyyəsi klinikasının rəhbəri, 1955–70-ci illərdə Kiyev Həkimləri Təkmilləşdirlmə İnstitutunda döş cərrahiyyəsi və anesteziologiya kafedrasının müdiri, 1983–88-ci illərdə Elmi-Tədqiqat Ürək-Damar Cərrahiyyəsi İnstitutunun rəhbəri vəzifəsində çalışmışdır. 1960-cı ildən eyni zamanda Ukrayna Elmlər Akademiyasının Kibernetika İnstitutunun biokibernetika şöbəsinin rəhbəri idi. Amosovun elmi əsərləri ürəyin, ağciyərin cərrahiyyəsinə, damar və qarın cərrahiyyəsinə, habelə bioloji və tibbi kibernetika məsələlərinə həsr edilmişdir. ^[2]