Mehriban Vəzir

Mehriban Vəzir
Mehriban Vəzir
Klassik Xalq Cəbhəsi Partiyasının sədr müavini
Sədr	Mirmahmud Mirəlioğlu
Şəxsi məlumatlar
Doğum tarixi	18 dekabr 1957 (66 yaş)
Doğum yeri	Mirbəşir, Mirbəşir rayonu, Azərbaycan SSR, SSRİ;
Təhsili	Bakı Dövlət Universitetinin Jurnalistika fakültəsi;
Fəaliyyəti	yazıçı

Mehriban Vəzir (18 dekabr 1957, Mirbəşir) — yazıçı-publisist, Azərbaycan Yazıçılar Birliyinin üzvü.^[1] Klassik Xalq Cəbhəsi Partiyasının sədr müavini.

Həyatı[redaktə | mənbəni redaktə et]

Mehriban Vəzir 18 dekabr 1957-ci il tarixində Tərtər rayonunda doğulmuşdur. 1965–1975-ci illərdə Bakıdakı 161 saylı məktəbdə orta təhsil almış, 1982-ci ildə Azərbaycan Dövlət Universitetinin jurnalistika fakültəsini bitirmişdir.

1978-ci ildən 1999-cu ilə qədər Azərbaycan Dövlət Televiziya və Radio Komitəsində müxbir, redaktor, şöbə müdiri, aparıcı olaraq çalışmışdır. 1999-dan Sara tv-də, 2003–2007-ci illərdə GünAzTv-də bir sıra proqramların müəllifi olmuşdur.

2000-ci ildən Xəzər Universitetinin jurnalistika fakültəsində Telesenari kursu üzrə mühazirəçi-müəllim kimi çalışmışdır.

Yazıçılar Birliyinin üzvüdür.

İctimai fəaliyyəti[redaktə | mənbəni redaktə et]

"Azərbaycan Qadınlarının Siyasi Mədəniyyət Mərkəzi" adlı qeyri-hökumət təşkilatının sədridir.

Kitabları[redaktə | mənbəni redaktə et]

"Məhbusun Arzuları" Hekayələr toplusu (Bakı, 1998, 230 səhifə)
"Elçi Bəy Haqqında" Azərbaycan Milli Azadlıq Hərəkatının lideri Elçi Bəy haqqında xatirələrim. (Bakı, 2007, 190 səhifə)
"Rol Model: Dəyişikliyə cəsarəti çatan qadınlar" Sorğu kitabı (160 səhifə, Bakı, 2008).
"Azərbaycan adət-ənənələrində gender rolları" Milli ənənələrdə gender rollarının araşdırması (250 səhifə, Bakı, Azərbaycan 2009).
Həmidə Xanım Cavanşir "Xatirələrim" (Əlyazmalardan tərcümə, nəşrə hazırlama və önsözün müəllifi) (400 səhifə, Bakı, 2010)
"Ağabəyim ağa Cavanşir" Tarixi roman Qarabağ tarixindən (200 səhifə, Bakı-2016)
"Səyyarə Xanım və Ferens List" Tarixi roman, almanların Qafqaza köç etməsi tarixindən. (200 səhifə, Bakı-2017)
"Öz Hekayəm" Hekayələr toplusu (Bakı-2017, 260 səhifə)
"İşgüzar xanımlar üçün 101 qayda" İşgüzar davranış qaydaları və etik normalar. Həmmüəllif. (Bakı-2018)
"150 ildə 150 hadisə" Azərbaycanda Qadın Hüquqlarının İnkişafı üzrə BƏLƏDÇİ (Bakı-2018, 150 səhifə)
"Gövhər ağa Cavanşir" Tarixi roman, Qarabağ tarixində qadın. (Bakı 2018, 210 səhifə)
"Əhməd bəy Cavanşir" Tarixi roman, Qarabağ tarixindən (Bakı 2019 190 səhifə)
"Qutsal Torpaqlarda: Səmərqənd, Buxara, Xivə, Ulan-Baatar" Səfər xatirələri. (Bakı 2000 185 sıhifə)
"Cümhuriyyət Qadınları" Cümhuriyyətimizin quruculuğunda xidməti olmuş qadınlar haqqında. Bakı-2020
1998 və 2014-cü illərdə ABŞ-də çap olunmuş Azərbaycan Yazıçıları və Azərbaycan Qadın Yazıçıları antologiyalarında Mehriban Vəzirin yaradıcılığı haqqında məlumat vardır.