Livadiya sarayı
| Livadiya sarayı | |
|---|---|
 | |
 | |
| 44°28′04″ şm. e. 34°08′37″ ş. u. | |
| Ölkə |  Ukrayna |
| Şəhər | Livadiya |
| Yerləşir | Krım |
| Tikilmə tarixi | 1910-1911 |
| Üslubu | İtalyan intibah memarlığı |
| Vəziyyəti | muzey |
| Rəsmi sayt | ливадийский-дворец.рф |
| İstinad nöm. | 010037-Н |
| Kateqoriya | Saray |
| Əhəmiyyəti | Dünya əhəmiyyətli |
| | |
 Vikianbarda əlaqəli mediafayllar | |
Livadiya sarayı (rus. Ливадийский дворец, ukr. Лівадійський палац) — Yaltanın 3 km uzaqlığında, Livadiyada Mohabi təpəsində yerləşən saray kompleksi.
1911-ci ildə Rusiya çarı II Nikolay tərəfindən yay evi kimi tikilmişdir.
Haqqında[redaktə | mənbəni redaktə et]
Bizans, ingilis, qotika və ərəb memarlığının izlərini daşıyan saray İtaliya intibah tərzində 1910-1911-ci illəri arasında memar Nikolay Krasnov tərəfindən tikilmişdir. İnşaasında ağ Krım qranitindən istifadə olunmuşdur. Sarayın bəzi yerlərində islam memarlığına aid izlər vardır. Sarayın bağçası İtalyan görkəminə malikdir. Sarayın içində muzey və şəkil qaleriyası fəaliyyət göstərir.
Livadiya sarayı inşa olunduqdan sonra çar II Nikolay bura sadəcə 2 dəfə gələ bilmişdi. 1917-ci ildə inqilabdan sonra saray sanatirum kimi istifadə olunmuş, 1993-cü ildə muzeyə çevrilmişdi. 1917-ci ildə inqilabdan sonra bir çox əsəri isə itmişdir. Lakin itmiş əsərlərin bir hissəsi digər ölkələrdən satın alınaraq muzeyə qaytarılmışdır
Siyasi rolu[redaktə | mənbəni redaktə et]
4-11 fevral 1945 tarixində Stalin, Çörçill və Franklin Delano Ruzveltin toplandığı Yalta konfransı burada keçirilmişdi. Bu 3 şəxsiyyətin şərəfinə sarayın bağında basdırılan 3 palma ağacını hələ də görmək mümkündür
Muzey[redaktə | mənbəni redaktə et]
İki mərtəbəli sarayın birinci mərtəbəsində Yalta konfransı ilə bağlı sənədlər, fotolar və əşyalar, ikinci mərtəbəsində isə II Nikolay və ailəsinə aid çarlıq əşyaları sərgiləir. Xüsusilə ikinci mərtəbədəki kolleksiya daha zəngindir. Sarayda çara aid bir çox şərab anbarı da mövcuddur. Bu bölgə şərabları ilə məşhurdur.
Kinematoqrafiya[redaktə | mənbəni redaktə et]
Saray Lope de Veqanın məşhur fimi "Samanlıqdakı İt" filminə ev sahibliyi etmişdir.
Qalereya[redaktə | mənbəni redaktə et]
-
Sarayın İtalyan bağı -
Sarayın görünüşü -
"Ağ zal" -
Qarşıdan görünüş
