Şəkixanovların evi

Şəkixanovların evi
Şəkixanovların evinin əsas fasadı
Evin qonaq zalının interyeri
41°12′17″ şm. e. 47°11′51″ ş. u.
Ölkə	Azərbaycan
Şəhər	Şəki
Yerləşir	Şəki
Aidiyyatı	Yuxarı-Baş Dövlət Tarix-Memarlıq Qoruğu
Sifarişçi	Şəkixanovlar
Tikilmə tarixi	XVIII əsr
Üslubu	Azərbaycan memarlığı
Vəziyyəti	muzey
UNESCO Ümumdünya İrsi
Rəsmi adı: Historic Centre of Sheki with the Khan’s Palace
Tipi	Mədəni
Kriteriya	ii, v
Təyin edilib	2019
İstinad nöm.	1549
Dövlət	Azərbaycan
Region	Avropa
Azərbaycandakı tarixi abidələrin milli qeydiyyatı
İstinad nöm.	331
Kateqoriya	Saray
Əhəmiyyəti	Ölkə əhəmiyyətli
Şəkixanovların evi Yuxarı Baş Dövlət Tarix-Memarlıq Qoruğunun xəritəsində evin yeri
Vikianbarda əlaqəli mediafayllar

Şəkixanovların evi və ya Şəkixanovlar sarayı — Azərbaycanın Şəki şəhərində Şəki xan sarayından bir neçə məhəllə aralıda yerləşən XVIII əsrə aid iki mərtəbəli tarixi abidə^[1].

Memarlığı[redaktə | mənbəni redaktə et]

Şəkixanovlar evi xalq yaşayış evindən saray tipli evlərə keçid formasıdır. İrəli uzanmış, düzbucaqlı formada olan ikimərtəbəli bina Şəki xalq yaşayış evlərinin əlamətlərini saxlayaraq, əsasən interyerdəki zəngin dekorativ elementlər binanı saray tipli tikintilərə bənzədir.

Şəkixanovlar evi iki mərtəbədən ibarətdir. Evin hər bir mərtəbəsi üç otaqdan və iki böyük olmayan dəhlizdən ibarət olub, birinci mərtəbədən ikinci mərtəbəyə qalxan pillələr yerləşən otaqlarla birləşir. Birinci mərtəbədəki otaqlar qış yaşayış otaqları olduğu üçün burada "buxarılar" yerləşdirilib. Birinci mərtəbəyə oxşar olan ikinci mərtəbə qonaqlar üçün nəzərdə tutulub.

İkinci mərtəbənin salonunun interyerində əsas yeri eninə yerləşən dekorativ buxarı təşkil edir. Buxarı gözəl şəkillərlə bəzənmiş və bütün interyer ona nisbətən simmetrik olaraq xalq yaşayış interyerinə uyğun olaraq işlənib. Buxarının yanlarından divara dərin olmayan düzbucaqlı taxçalar yerləşdirilib. Taxçalar Azərbaycan şairi Nizaminin "Yeddi gözəl", "Leyli və Məcnun" poemalarının qəhrəmanlarının şəkilləri ilə bəzənib və üstü çox mürəkkəb olmayan bəzəkli stalaktitlə örtülüb. Kəllə divarlarda da bu cür iki taxça yerləşir və bunların arasında qonşu otaqlara və salona çıxan qapılar yerləşir. Üç divarın taxçaları və boşluqları üstündən rəf keçir ki, bu rəf də stalaktit karniz üzərində yerləşib. Güzgü stalaktitinin mürəkkəb quruluşunu salonun yuxarısından keçən karniz təşkil edir. Rəflərin üstündə taxçaların oxu üzərində kiçik taxçalar yerləşir. Bu taxçalar vazalarda gül dəstələri, heyvan və quş şəkilləri ilə bəzənmişdir. Salonun xarici divardan başqa bütün qalan sahəsi isə rəsmli, ornamentli "şəbəkə" ilə işlənib.^[2]

Qalereya[redaktə | mənbəni redaktə et]

Divar rəsmləri[redaktə | mənbəni redaktə et]

Memarlığı[redaktə | mənbəni redaktə et]

• 
  Giriş portalı
• 
  Şəbəkə
• 
  Tavan
• 
  Buxarı
• 
  Evin interyeri

İstinadlar[redaktə | mənbəni redaktə et]

1. ↑ Dadaşov, Sadıq; Hüseynov, Mikayıl. Архитектура Азербайджана: III-XIX века (rus). Moskva: Изд-во Академии архитектуры СССР. 1948. 21. 2021-10-19 tarixində arxivləşdirilib. İstifadə tarixi: 2023-11-13.
2. ↑ "Şəkixanovlar evi". 2020-02-16 tarixində arxivləşdirilib. İstifadə tarixi: 2013-06-04.

Həmçinin bax[redaktə | mənbəni redaktə et]

• Şəki xanlığı

Xarici keçidlər[redaktə | mənbəni redaktə et]

• Şəkidə turistlərin ən çox ziyarət etdikləri tarixi abidə təmirə dayandı (VİDEO) Arxivləşdirilib 2012-06-11 at the Wayback Machine