İbrahim Emin

İbrahim Emin
İbrahim Emin.jpg
2018-ci ildə konsert zamanı çəkilmiş fotoşəkli
Sənətçi məlumatları
Doğum tarixi 18 may 1963(1963-05-18)
Doğum yeri
Vəfat tarixi 2 iyul 2019(2019-07-02) (56 yaşında)
Vəfat yeri
Vətəndaşlığı
Peşələri musiqiçi, bəstəkar, vokalist

Üslub hard-rok, hevi-metal, blyuz-rok[d]
Musiqi aləti bas gitara, gitara
Fəaliyyət illəri 19762019
Üzvlüyü

İbrahim Məhərrəm oğlu Eminov (18 may 1963(1963-05-18), Sumqayıt2 iyul 2019(2019-07-02), Sumqayıt) — Azərbaycanlı musiqi bəstəkarı və rok ifaçısı, Yuxu Sirr qruplarının yaradıcısı.

Həyatı[redaktə | əsas redaktə]

İbrahim Emin 18 may 1963-cü ildə Sumqayıt şəhərində anadan olub. 1970-ci ildə Sumqayıt şəhər 17 saylı məktəbə gedib. 1981-1983-cü illərdə hərbi xidmətdə olub. İbrahim musiqi fəaliyyətindən başqa rəsm əsərləri çəkməklə də məşğul idi. 2 iyul 2019-cu ildə qida borusunun xərçəngi xəstəliyindən dünyasını dəyişib.[1]

Musiqi fəaliyyəti[redaktə | əsas redaktə]

Yuxu[redaktə | əsas redaktə]

Əsas məqalə: Yuxu (qrup)

İbrahim Emin uşaq vaxtından gitara çala bilirdi. 80-ci illərin əvvəlindən musiqi ilə məşğul olmağa başlamışdı. O, 1988-ci ildə Yuxu qrupunu yaradıb.[2] Qrupun ifa etdiyi mahnıların sözlərini və musiqisini bəstələməklə yanaşı qrupda bas gitara da ifa edib. 1989-cu ildə Yuxu qrupu "Xəzərin sahilində" mahnısı ilə Qızıl Payız musiqi festivalında qalib olur. Bir müddət sonra qrup olaraq fransız menecer Paskal Fransada fəaliyyət göstərmək üçün dəvət alırlar. Həmin vaxtlar Fransaya birbaşa çıxmaq mümkün olmadığından onlar Türkiyə vasitəsilə getməyə qərar verirlər. Lakin naməlum səbəblərdən onlar Fransaya gedə bilmirlər və Türkiyədə qalıb fəaliyyət göstərməli olurlar. Türkiyədə fəaliyyət göstərməyə başladıqdan sonra qısa müddət ərzində qrup tanınmağa başlayır. Türkiyədə "Xəzərin sahilində" (1988), "Sumqayıt" (1994), "Ölümə çarə yox" (1998) adlı üç albomları işıq üzü görür. Türkiyədə baş vermiş zəlzələ musiqi dünyasına durğunluq gətirir. Nəticədə yaranmış vəziyyətdə "Yuxu" qrupu uzun müddət fəaliyyət göstərə bilmir və qrup üzvləri fərqli işlərlə məşğul olmağa başlayır.

Sirr[redaktə | əsas redaktə]

Əsas məqalə: Sirr (qrup)

Sonradan İbrahim Emin 2003-cü ildə Bakıya geri dönür və 2004-cü ildə Sumqayıtda Sirr qrupunu yaradır. Qrupun 2014-cü ildə "Yoruldum" adlı albomu işıq üzü görüb. [3]

Fikirləri[redaktə | əsas redaktə]

" Yeniyetmə vaxtlarımızda biz BBC radiosunda Deep Purple, Led Zeppelin-ə qulaq asırdıq, daha sonra onlar bizim üçün məktəb oldu, onların musiqilərindən ilhamlanıb rokla məşğul olmağa başladıq. Daha sonra qrupumuz yarandı. "Xəzərin sahilində" mahnsını yazdırdıq. Mahnının sözləri atama aid idi, mən bəzi sözləri dəyişdim və biz mahnını ifa etdik. Bir il sonra bu mahnı ilə Qızıl Payız musiqi festivalında qalib olduq və hər şey bununla başlandı. "


" Məni tanıyanlar yaxşı bilir, həmişə deyirəm roku heç vaxt dəyişmərəm. Mən roku hiss edirəm, rok azadlığın, üsyankarlığın musiqisidir, mənim musiqimdir. "

Həmçinin bax[redaktə | əsas redaktə]

Xarici keçidlər[redaktə | əsas redaktə]

İstinadlar[redaktə | əsas redaktə]

  1. "Azərbaycanda məşhur ifaçı vəfat etdi" (azərb.). Modern.az. 03.07.2019. İstifadə tarixi: 26.04.2020. (#archive_url)
  2. Rəhimli, Şəhanə (03.07.2019). "Bir vaxtların məşhur "Yuxu"su..." (azərb.). Aqreqator.az. İstifadə tarixi: 26.04.2020. (#archive_url)
  3. Nurlan Babazadə, Ləman Səfərli (8 iyul 2016). "Azərbaycan rokunun "Yuxu"su indi haradadır?". bbc.com. 11 aprel 2019 tarixində orijinalından arxivləşdirilib.